Бүгін Байқоңыр қаласында Қармақшы ауданының тауар өндірушілерінің қатысуымен ауыл шаруашылық өнімдерінің жәрмеңкесі өтті. Жәрмеңкеге 75 тоннадан астам өнім, оның ішінде ақ күріш, балық, картоп, сүт және бақша өнімдері жеткізілді.
Жәрмеңке аясында өнімдер нарықтағы бағадан 10-15 пайызға төмен сатылды, бұл қала тұрғындары үшін үлкен мүмкіндік болды. Іс-шараның мақсаты – халықты қолжетімді бағадағы сапалы азық-түлікпен қамтамасыз ету және жергілікті өндірушілерді қолдау.

Мұндай жәрмеңкелер өңірлік ауыл шаруашылығының дамуына ықпал етіп, өндірушілерге өз өнімдерін делдалсыз сату мүмкіндігін береді. Нәтижесінде тұрғындар экологиялық таза, сапалы азық-түлікке қол жеткізіп, шаруалар тұрақты нарықтық артықшылықтарға ие болады.