НАУРЫЗ ЖӘРМЕҢКЕСІ: МОЛШЫЛЫҚ ПЕН ЫНТЫМАҚ МЕРЕКЕСІ
Наурыз мейрамына орай Жосалы кентіндегі Ерназар Сексенбаев көшесінде ауыл шаруашылығы өнімдерінің жәрмеңкесі өтті.
Жәрмеңкеге 15 тоннадан астам ауыл шаруашылығы өнімдері әкелініп, тұрғындарға нарықтағы бағадан 15 пайызға төмендетілген бағамен ұсынылды.
Сауда сөрелеріне 6 тонна күріш, 8 тонна бақша өнімдері, 1 тонна «Қармақшы құс» фабрикасының өнімдері, 200 келі балық, 100 келі ет, 30 литр сүт өнімдері қойылды. Сонымен қатар, 150 дана пішен прессі мен 5 бас қой да сатылымға шығарылды.
Бұл жәрмеңке тұрғындар үшін сапалы әрі қолжетімді өнімдер ұсынумен қатар, жергілікті шаруаларға өз тауарларын тікелей тұтынушыға жеткізуге мүмкіндік берді.
