qarmaqshy-tany.kz Бүгін Ұлттық мереке Республика күні және "Алтын дән-2022" мерекелік шарасы аясында Жосалы кентіндегі Е.Сексенбаев көшесінің бойында ауыл шаруашылығы өнімдерінің жәрмеңкесі өткізілуде.
Жәрмеңкеге кент және ауылдық округтерден 52 жүк автокөлігімен 78,5 тонна ауыл шаруашылығы өнімдері әкелініп, нарықтағы бағадан 10-15 пайызға арзан бағада сатылуда.
Соның ішінде 27 тонна күріш, 650 кг ет және 3 тонна балық өнімдері, 37 тонна бақша өнімдері, 30 литр шұбат өнімдері, 150 кг жуық кондитер өнімдері қамтылып, ауыл еңбеккерлерінің маңдай тері мен елдің дәмі бар,табиғи таза өнімдерді сатып алуға ағылған жұртшылық, мәре-сәре сауда жасауда.