«Мобильді фронт-офис» көшпелі іс-шарасы өткізілді
Қармақшы ауданы, Руханият орталығында кәсіпкерлерге мемлекеттік қолдау шараларын түсіндіруге бағытталған «Мобильді фронт-офис» көшпелі іс-шарасы өткізілді.
Іс-шараға «Даму» кәсіпкерлікті дамыту қоры» АҚ, «Аграрлық несие корпорациясы» АҚ, «Қазақстан Халық Банкі» АҚ Қызылорда облыстық филиалы және «Атамекен» ҰКП өкілдері қатысты.
Іс-шара аясында аудан кәсіпкерлері мен кәсіпкерлік бастамасы бар азаматтардың жеке қабылдауы ұйымдастырылды.
Жеке қабылдау барысында азаматтардың кәсіпкерлікті дамыту, қаржыландыру, мемлекеттік қолдау шараларын алу және бизнес-жобаларды іске асыруға қатысты мәселелері қаралды. Кәсіпкерлердің әрбір сұрақтары бойынша тиісті түсіндірмелер беріліп, консультациялық көмек көрсетілді.
