Алдағы үш күнде елімізде ауа райы қандай болады?
Суық ауа массасының әсері біртіндеп әлсіреуіне байланысты еліміздің басым бөлігінде ауа температурасы көтеріледі. Дегенмен солтүстік, орталық және шығыс өңірлерде түнгі уақытта күн әлі де салқын болады.
Солтүстік-шығыс, оңтүстік және оңтүстік-шығыс аймақтарда атмосфералық фронттардың әсерінен кей жерлерде қысқа мерзімді жаңбыр жауып, найзағай ойнайды. Сондай-ақ жел күшеюі мүмкін.
Алдағы күндері күндізгі ауа температурасы:
Батыс, солтүстік-батыс және оңтүстікте – +28...+33°С;
· Солтүстік, шығыс және орталық өңірлерде – +23...+30°С;
· Оңтүстік-шығыста – +20...+27°С;
· Таулы және тау бөктеріндегі аудандарда – +10...+15°С болады деп күтіледі.
Еске сала кетейік, бұған дейін синоптиктер күз мезгіліне арналған консультативтік ауа райы болжамын ұсынған болатын.
