Қазақстанда алдағы күндері ауа температурасы +46 градусқа дейін көтеріледі
«Қазгидромет» синоптиктерінің болжамынша, алдағы күндері Қазақстанның оңтүстігінде, оңтүстік-шығысында және оңтүстік-батысының жекелеген аудандарында жауын-шашынсыз ауа райы сақталады. Тек таулы аймақтарда қысқа мерзімді жаңбыр жаууы мүмкін, деп хабарлайды Egemen.kz
Күндіз ауа температурасы +41...+46 градусқа дейін көтеріліп, бұл көрсеткіш климаттық нормадан жоғары болады.
Ал батыс, солтүстік, орталық және шығыс өңірлерде жаңбыр жауып, найзағай ойнайды. Кей жерлерде бұршақ жауып, екпінді жел соғуы ықтимал.
Жауын-шашынның әсерінен еліміздің батысында аптап ыстық біртіндеп бәсеңдеп, күндізгі температура +22...+35 градус аралығында болады.
Солтүстік өңірлерде ауа температурасы уақытша +21...+36 градусқа дейін төмендейді. Ал орталық және шығыс аймақтарда өте ыстық ауа райы сақталып, сынап бағаны +41 градусқа дейін жетеді.
