Қазақстанда күн салқындайды
qarmaqshy-tany.kz Қазақстандық синоптиктер 8-10 қазанға арналған ауа-райы болжамын жариялады. Мамандардың мәліметінше, алдағы күндері елімізде күн салқындайды, деп хабарлайды Stan.kz ақпарат агенттігі «Қазгидромет» РМҚ-ға сілтеме жасап.
«Демалыс күндері Қазақстанның барлық аймақтарында орташа көпжылдық мәннен 4-9°С-қа жоғары ауа температурасымен аздаған бұлтты және жауын-шашынсыз ауа райы байқалды. Бірақ Поволжьеде орналасқан суық атмосфералық фронттардың әсерінен белсенді бұлтты массив шығысқа қарай ығыса бастады. Оның жылжуына байланысты республикадағы ауа райы өзгере бастайды», - дейді синоптиктер.
Мамандардың болжамынша, алдағы тәулікте еліміздің батыс өңірінде бұлтты ауа райы болып, кей жерлерде жаңбыр күтіледі. Сонымен қатар ауа температурасы төмендейді.
Ал 9 қазан солтүстік-батыс, 10 қазанда солтүстік және орталық өңірлердің кей жерлерінде жаңбыр жауып, найзағай ойнауы мүмкін. Сондай-ақ, ауа температурасының біртіндеп төмендеуі күтіледі.
Еліміздің шығысында әлі де жауын-шашынсыз және бұрынғыдай жылы ауа райы сақталады.
Синоптиктер оңтүстік және оңтүстік-шығыс облыстарда жоғарғы жыраның ықпалынан, әсіресе, таулы және тау бөктеріндегі аймақтарда өткінші жаңбыр жауып, найзағай ойнайды деп болжап отыр.
