«Киелі мекен – шабыт көзі» тақырыбында саяхат сабақ өтті

Қармақшы ауданының Оқушылар үйінде “Өлкетану” үйірмесінің ұйымдастыруымен оқушылардың туған жерге деген сүйіспеншілігін арттыру, тарихи-мәдени мұраларды таныту және ұлттық құндылықтарды дәріптеу мақсатында «Киелі мекен – шабыт көзі» тақырыбында танымдық саяхат сабақ ұйымдастырылды.

Саяхат сабақ барысында оқушылар Қорқыт ата кешеніне барып, түркі әлемінің ұлы ойшылы, қобыз өнерінің атасы Қорқыт атаның өмірі мен шығармашылығы, кешеннің тарихы және оның рухани-мәдени маңызы туралы мағлұматтар алды.

Оқушылар киелі мекеннің тарихымен танысып қана қоймай, туған өлкенің құндылықтарын құрметтеуге, тарихи мұраларды сақтауға және ел тарихын терең білуге бағытталған тағылымды әсер алды.

«Туған жердің тарихын таныған ұрпақ – ел болашағын бағалайтын ұрпақ»