Жылу беру маусымы алдында өрт қауіпсіздігі бойынша профилактикалық жұмыстар жүргізілуде
Қармақшы ауданының Төтенше жағдайлар бөлімі №8 өрт сөндіру бөлімінің қызметкерлері жылу беру маусымы алдында тұрғын үйлердегі өрт қауіпсіздігін қамтамасыз ету мақсатында Төретам кенті мен Ақай ауылында профилактикалық-түсіндіру жұмыстарын жүргізуде.
Іс-шара барысында тұрғындарға жылыту пештері мен электр құрылғыларын қауіпсіз пайдалану, пеш мұржаларын уақтылы тазалау, электр желілеріне шамадан тыс күш түсірмеу, ақаулы электр жабдықтарын пайдаланбау және балаларды қараусыз қалдырмау жөнінде түсіндірмелер берілді.
Сонымен қатар, тұрғындарға жылыту маусымында өрт қауіпсіздігі талаптарын қатаң сақтау қажеттігі ескертіліп, тұрмыста қарапайым қауіпсіздік шараларын сақтаудың маңыздылығы айтылды.
Қармақшы ауданының Төтенше жағдайлар бөлімі тұрғындарды жылыту маусымына жауапкершілікпен дайындалып, өрт қауіпсіздігі талаптарын сақтауға шақырады.
Өрт шыққан жағдайда дереу 101 нөміріне хабарласыңыз!
