Алғашқы болып дауыс берді
Құрылтай депутаттарын сайлау күні зейнеткер Құлжанова Айсұлу Ыбырайқызы №27 орта мектебінде орналасқан №95 сайлау учаскесіне барып, өз таңдауын жасады.
Сауда саласында ұзақ жылдар еңбек етіп, қазіргі таңда еңбегінің зейнетін көріп отырған Айсұлу апа сайлау учаскесіне ертемен келіп, алғашқы болып дауыс берді.
Айсұлу апа дауыс беру барысында еліміздің келелі келешегі мен жас ұрпақтың жарқын болашағына деген жақсы тілектерін білдірді.
