Қармақшы ауданындағы барлық 35 сайлау учаскесі өз жұмысын бастады
Бүгін Қармақшы ауданында Құрылтай сайлауына арналған барлық 35 сайлау учаскесі өз жұмысын бастады. Дауыс беру учаскелері сайлаушыларды қабылдауға толық дайын болып, қажетті құрал-жабдықтармен және тиісті материалдармен қамтамасыз етілген.
Сайлау учаскелерінде дауыс берушілердің өз таңдауын еркін әрі қолайлы жағдайда жасауына барлық мүмкіндік қарастырылған. Әрбір учаскеде сайлау процесін талапқа сай ұйымдастыру, сайлаушыларға қажетті ақпарат беру және олардың дауыс беру құқықтарын толық жүзеге асыруы үшін тиісті жағдай жасалған.
Сондай-ақ, учаскелерде ерекше қажеттіліктері бар азаматтардың да дауыс беруіне қолайлы жағдайлар ұйымдастырылған.
Қазіргі таңда барлық 35 сайлау учаскесінде дауыс беру жұмыстары белгіленген тәртіппен өтіп жатыр. Қармақшы ауданының тұрғындары маңызды саяси науқанға белсенді қатысып, өз таңдауларын жасауда.
Құрылтай сайлауының ашық, әділ және заң талаптарына сай өтуін қамтамасыз ету бағытында сайлау комиссиялары өз жұмыстарын жауапкершілікпен атқаруда.
