Бүгін Қармақшы ауданы Тәйімбет Көмекбаев ауылдық округінде ауыл әкіміне сайлау басталды. №112 сайлау учаскесі таңғы 07:00-де жұмысын бастап, ауыл тұрғындары белсенді түрде дауыс беруге кірісті.

Аумақтық комиссияның мәліметінше, аталған учаске бойынша бойынша 768 сайлаушы тізімге енген.

Тұрғындарды ынталандыру мақсатында алғашқы дауыс берген азаматқа, сондай-ақ ең жас және ең қарт сайлаушыларға естелік сыйлықтар табыс етілуде.

Сайлау процесінің ашықтығы мен әділдігін қамтамасыз ету үшін учаскеде байқаушылар жұмыс жасап, барлық процестерді мұқият қадағалап отыр. Сайлау толығымен заң талаптарына сай өткізіліп жатыр.