ТӨРЕТАМ КЕНТІНДЕ ӘКІМ САЙЛАУЫ БАСТАЛДЫ
Бүгін Байқоңыр қаласына іргелес орналасқан Төретам кентінде кент әкіміне сайлау басталды. №113, №114 және №115 сайлау учаскелері таңғы 07:00-де өз жұмысын бастап, кент тұрғындары белсенді түрде дауыс беруге қатысуда.
Сайлау учаскелері кешкі 20:00-ге дейін ашық болады. Учаскелерде дауыс беру процесі заң талаптарына толық сәйкес жүргізіліп жатыр. Сайлау барысының ашықтығы мен әділдігін қамтамасыз ету мақсатында байқаушылар жұмыс істеуде, олар әрбір кезеңді жіті бақылауда ұстап отыр.
Аумақтық сайлау комиссиясының мәліметінше, сайлаушылар тізіміне енгізілген азаматтар дауыс беру құқығын белсенді түрде пайдаланып жатыр.
