Референдумға тұрғындар белсенді қатысуда

Референдумда №97 сайлау учаскесінде дауыс беру үрдісі қарқынды әрі ұйымдасқан түрде өтуде. Таңғы сағат 07:00-де өз жұмысын бастаған учаскеде тұрғындар ерте уақыттан бастап келіп, ел болашағына қатысты маңызды шешім қабылдауға белсенді қатысуда.

Учаскеге келушілердің қатарында түрлі жастағы азаматтар бар. Аудан тұрғындары бірінен соң бірі келіп, референдум бюллетеньдерін алып, өз таңдауларын жасауда. Бұл тұрғындардың елдегі маңызды саяси науқанға бейжай қарамайтынын көрсетеді.

Сайлау учаскесінде барлық қажетті жағдайлар жасалған. Комиссия мүшелері дауыс беру процесінің заң талаптарына сай өтуін қамтамасыз етіп, тұрғындарға түсіндіру жұмыстарын жүргізуде. Сонымен қатар, алғаш рет дауыс беріп жатқан жастар мен жасы үлкен тұрғындардың қатысуы да ерекше байқалады.

Тұрғындардың айтуынша, референдум – ел болашағына қатысты маңызды шешім қабылдайтын тарихи сәт. Сондықтан олар азаматтық борыштарын орындап, өз таңдауларын жасау үшін учаскеге келіп жатқанын айтады.

Осылайша, №97 сайлау учаскесінде референдумға қатысу жоғары деңгейде өтіп, тұрғындар белсенділік танытуда