ЕЛДІ МЕКЕНДЕРДІҢ ТАЗАЛЫҒЫ БАСТЫ НАЗАРДА
Қармақшыда «Таза Қазақстан» акциясы аясында елді мекендердің санитарлық тазалығын сақтау, абаттандыру және көгалдандыру жұмыстарын жүйелі жүргізу бағытындағы жұмыстар тұрақты жалғасуда.
Осыған орай аудан әкімінің тікелей тапсырмасына сәйкес аудан әкімінің орынбасары Диас Молдабаев Жосалы, Иіркөл, ІІІ Интернационал және Ақтөбе ауылдық округтеріне барып, санитарлық тазалық жұмыстарының барысын тексерді.
Бақылау барысында қоғамдық орындардың, саябақтар мен әлеуметтік нысандардың тазалығы, сондай-ақ көгалдандыру және абаттандыру жұмыстарының жай-күйі назарға алынды. Диас Асылбекұлы ауылдардың сыртқы келбетін жақсартып, тазалықты сақтау үшін анықталған кемшіліктерді уақытында қалпына келтіру бағытында жауапты басшыларға бірқатар тапсырмаларын берді.
Қармақшы ауданы әкімінің баспасөз қызметі
