«ТАЗА ҚАЗАҚСТАН» АКЦИЯСЫ АЯСЫНДАҒЫ ЖҰМЫСТАР ЖАЛҒАСУДА
Қармақшы ауданында елді мекендердің санитарлық жағдайын жақсарту және қоғамдық орындардың тазалығын арттыру бағытындағы жұмыстар өз кезеңімен жүзеге асырылып келеді.
Осы мақсатта аудан әкімінің тапсырмасымен аудан әкімінің орынбасары Диас Молдабаев «Таза Қазақстан» акциясы аясында бірқатар ауылдық округтердегі атқарылып жатқан жұмыстардың барысын бақылады.
ІІІ Интернационал мен Иіркөл елді мекендеріндегі қоғамдық орындар мен мекеме аулалары балалар ойын алаңдары және орталық алаңдардың жай-күйі қаралды. Сонымен қатар Төребай би ауылдық округіндегі санитарлық тазалық жұмыстарының жүргізілуіне мән берілді.
Диас Асылбекұлы бұл бағыттағы жұмыстарды жүйелі жалғастыру қажеттігін айтып, жауапты басшыларға анықталған кемшіліктер бойынша бірқатар тапсырмалар жүктеп, қатаң бақылауда болатынын ескертті.
Қармақшы ауданы әкімінің баспасөз қызметі
