«ТАЗА ҚАЗАҚСТАН» АКЦИЯСЫ АЯСЫНДАҒЫ ТАЗАЛЫҚ ЖҰМЫСТАРЫ БАҚЫЛАУҒА АЛЫНДА
Бүгін аудан әкімінің тапсырмасына сәйкес аудан әкімі аппаратының басшысы Ермек Сәтбаев Ақтөбе, ІІІ Интернационал, Жаңажол, Иіркөл және Төребай би ауылдық округтеріне арнайы барып, «Таза Қазақстан» акциясы бойынша атқарылып жатқан жұмыстарды тексерді.
Аралау барысында әр елді мекеннің мектеп аумақтарының тазалығы, балалар ойын алаңдары мен спорт алаңдарының жағдайы, саябақтар мен қоғамдық демалыс орындарының жағдайы бақылауға алынды.
Балалар мен тұрғындарға арналған нысандардың қауіпсіздігі - басты назарда. Сондықтан жұмыс барысында Ермек Сәтбайұлы анықталған мәселелер бойынша жауапты басшыларға тазалық жұмыстарын тұрақты бақылауда ұстау қажеттігін айтты.
Қармақшы ауданы әкімінің баспасөз қызметі
