ҚАРМАҚШЫДА КЕЗЕКТІ СЕНБІЛІК ҰЙЫМДАСТЫРЫЛДЫ
Қармақшы ауданында «Таза Қазақстан» экологиялық акциясы аясында кезекті сенбілік ұйымдастырылды.
Аудан әкімінің тапсырмасына сәйкес аудан аумағында абаттандыру, көгалдандыру және санитариялық тазалық жұмыстарын жүйелі жүргізу жалғасып келеді. Осыған орай өткен сенбілікке аудан тұрғындары, ауылдық округтердің, бөлім, мекемелердің қызметкерлері, ардагерлер, жастар мен еріктілер белсене қатысып, аудан тазалығына өз үлестерін қосты.
Сенбілік барысында қызметкерлер өздеріне бекітілген аумақтарды тазалап, орталық көшелерді, саябақтар мен қоғамдық орындарды ретке келтірді. Сонымен қатар арық жүйелері қоқыстан тазартылып, ретсіз өскен шөптер шабылды. Арнайы техникалардың көмегімен жиналған қоқыс қалдықтары белгіленген орындарға шығарылды.
Аудан көлеміндегі санитариялық тазалық жұмыстарын тұрақты жүргізу алдағы уақытта да өз жалғасын табады.
Қармақшы ауданы әкімінің баспасөз қызметі
