АУДАНДА СЕНБІЛІК ЖҰМЫСТАРЫ ҚАРҚЫНДЫ ЖАЛҒАСУДА
Қармақшы ауданында «Таза Қазақстан» республикалық экологиялық акциясы аясында кезекті сенбілік өтті. Аудан әкімінің тапсырмасына сәйкес аудан аумағында абаттандыру, көгалдандыру және санитариялық тазалық жұмыстары тұрақты түрде жалғасып келеді.
Сенбілікке аудан және барлық ауылдық округтердің тұрғындары, дербес бөлімдер, мекеме және бөлім басшылары мен қызметкерлері, ардагерлер, жастар және еріктілер белсене атсалысты.
Қызметкерлер өздеріне белгіленген аумақтарда орталық көшелер мен саябақтарды, арықтарды тазалап, ретсіз өскен шөптерді шауып, арнайы техникалардың көмегімен қоқыс қалдықтарын арнайы орындарға шығарды.
Аудан көлеміндегі көркейту-көгалдандыру шаралары алдағы уақытта да тұрақты түрде жалғасын табатын болады.
Қармақшы ауданы әкімінің баспасөз қызметі
