АУЫЛДАРДЫҢ ТАЗАЛЫҒЫ – БАСТЫ НАЗАРДА
Таза әрі көрікті ауыл – тұрғындардың өмір сүру сапасын арттыруда маңызы ерекше. Осы бағыттағы жұмыстарды жүйелі жалғастыру мақсатында аудан көлемінде тазалық пен абаттандыру шаралары тұрақты бақылауда.
Бүгін аудан әкімінің тапсырмасымен аудан әкімінің орынбасары Шыңғыс Сыдықов Ақжар, Тұрмағамбет, Алдашбай, Қуаңдария және Тәйімбет Көмекбаев ауылдық округтерінде болып, атқарылып жатқан жұмыстардың барысын көрді.
Ауылішілік көшелердің тазалығы, қоғамдық орындардың жай-күйі, көгалдандыру жұмыстары мен әлеуметтік нысандардың айналасын күтіп-ұстау барысы қаралды.
Тексеріс барысында жауапты тұлғаларға тазалық жұмыстарын жүйелі жүргізу, анықталған кемшіліктерді уақытылы қалпына келтіру және ауылдардың сәулеттік келбетін жақсарту бағытындағы жұмыстарды күшейту тапсырылды.
Қармақшы ауданы әкімінің баспасөз қызметі
