ТҰРҒЫНДАРҒА ҚОЛАЙЛЫ ОРТА ҚАЛЫПТАСТЫРУ – БАСТЫ МІНДЕТ
Елді мекендердің көркі – абаттандыру жұмыстарының басты нәтижесі.
Осы мақсатта бүгін аудан әкімінің тапсырмасымен аудан әкімінің орынбасары Самат Смағұлов Жосалы кентіндегі бірқатар нысандарды аралады.
Жұмыс барысында саябақтардың, спорт және балалар ойын алаңдарының, мектептердің аумақтары мен тұрғындар көп жиналатын орындардың жағдайы бағаланды. Нысандардың күтіп-ұсталуы, көгалдандыру жұмыстары және тазалық талаптарының сақталуы зерделенді.
Анықталған мәселелер бойынша жауапты мекемелерге нақты тапсырмалар беріліп, елді мекендердің тазалығы мен көркін сақтау бағытындағы жұмыстарды үздіксіз жалғастыру қажеттігі айтылды.
Қармақшы ауданы әкімінің баспасөз қызметі
