«ТАЗА ҚАЗАҚСТАН» АКЦИЯСЫ АЯСЫНДАҒЫ ТАЗАЛЫҚ ЖҰМЫСТАРЫ БАҚЫЛАУҒА АЛЫНДЫ
Бүгінде елді мекендердің тазалығы мен көркеюі – тұрғындарға қолайлы орта қалыптастырудың басты міндеттерінің бірі.
Осыған орай аудан әкімінің тапсырмасына сәйкес бүгін аудан әкімі аппараты басшысының міндетін атқарушы Талғат Сүлеев Төретам кенті мен Ақай ауылдық округіне арнайы барып, атқарылып жатқан жұмыстарды тексерді.
Аралау барысында әр елді мекеннің мектеп аумақтарының тазалығы, балалар ойын алаңдары мен спорт алаңдарының жағдайы, саябақтар мен қоғамдық демалыс орындарының жағдайы бақылауға алынды.
Балалар мен тұрғындарға арналған нысандардың қауіпсіздігі - басты назарда. Сондықтан жұмыс барысында анықталған мәселелер бойынша жауапты басшыларға тазалық жұмыстарын тұрақты бақылауда ұстау қажеттігі айтылды.
Қармақшы ауданы әкімінің баспасөз қызметі
