Аптап ыстықтың беті қайтады: Еліміздің солтүстігінде күн салқындайды
Ел аумағында циклонның ығысуына байланысты жаңбыр жауып, найзағай ойнайды. Кей жерлерде бұршақ жауады деп күтіледі. Желдің екпіні күшейіп, шаңды дауыл соғуы мүмкін.
«Көптен күткен салқын ауа райы күтіледі. Еліміздің солтүстік және орталық өңірлерінде ауа температурасы +23...+28 градус шамасында болады», делінген хабарламада.
Алайда барлық өңірде ыстықтың беті қайтпайды. Оңтүстік және шығыс аймақтарға Өзбекстан аумағынан құрғақ әрі жылы ауа массаларының келуі жалғасып, соның әсерінен ауа температурасы +33...+38 градусқа дейін сақталып, жекелеген аудандарда +40 градусқа дейін жетеді.
