ТАЗАЛЫҚ ЖӘНЕ ҚҰРЫЛЫС ЖҰМЫСТАРЫ БАҚЫЛАУДА

Бүгін аудан әкімі аппаратының басшысы Ермек Сәтбаев аудан әкімінің тапсырмасына сәйкес аудан орталығындағы су айдындары жағалауларында жүргізіліп жатқан тазалық жұмыстарын бақылап, аумақтардың санитарлық жағдайын көрді. Жағалаудың ретке келтіру және абаттандыру жұмыстарының барысы қаралып, жауапты бөлімдерге тазалық жұмыстарын тұрақты жүргізу жөнінде тапсырмалар берілді.

Сондай-ақ облыстық маңызы бар «Жалағаш–Жосалы» автомобиль жолының Қармақшы ауданы аумағындағы 46-шақырымында орналасқан теміржол арқылы өтетін көпірді күрделі жөндеу жұмыстарының барысымен танысты. Ермек Сәтбайұлы нысан басына арнайы барып, құрылыс жұмыстары кезінде Қызылтам елді мекені тұрғындарының қатынауына қолайлы жағдай жасау мәселесін талқылады.

Қармақшы ауданы әкімінің баспасөз қызметі