БҮЛДІРШІНДЕРГЕ МЕРЕКЕЛІК КӨҢІЛ-КҮЙ СЫЙЛАНДЫ
Аудан әкімінің тапсырмасымен 1 маусым – Халықаралық балаларды қорғау күніне орай аудан әкімінің орынбасары Диас Молдабаев Ақай ауылдық округіндегі «Хадия бөбек» оңалту орталығына арнайы барып, бүлдіршіндерді мерекемен құттықтады.
Кездесуде Диас Асылбекұлы балаларға сыйлықтар табыстап, ақжарма тілегін білдірді. Сондай-ақ бүлдіршіндерге бақытты балалық шақ, зор денсаулық және жарқын болашақ тілеп, аудан әкімінің арнайы құттықтауын жеткізді.
Іс-шарада ардагерлер бата беріп, балаларға ізгі тілектерін арнады.
Айта кету керек «Хадия бөбек» оңалту орталығы 2021 жылдан бері ерекше күтімді қажет ететін балаларға қызмет көрсетіп келеді. Бүгінде орталықта балалардың денсаулығын оңалту мен әлеуметтік бейімделуіне бағытталған жұмыстар жүйелі түрде жүргізілуде.
Қармақшы ауданы әкімінің баспасөз қызметі
