Мониторинг жұмыстары жүргізілді

Оқушылардың жазғы тынығу лагерімен қамтамасыз етілу барысы бойынша Партиялық бақылау комиссиясы мониторинг жүргізді.

Партиялық бақылау комиссиясының мүшелері оқушылардың жазғы демалысын ұйымдастыру және тынығу лагерьлерімен қамтамасыз ету жұмыстарының барысына мониторинг жүргізді.

Мониторинг барысында балалардың жазғы сауықтыру орындарындағы жағдайы, қауіпсіздік талаптарының сақталуы, лагерьлердің материалдық-техникалық базасы, санитарлық талаптардың орындалуы және демалушыларға жасалған жағдайлар зерделенді. Сондай-ақ әлеуметтік осал санаттағы отбасылардан шыққан балаларды жазғы демалыспен қамту мәселесіне ерекше назар аударылды.

Комиссия мүшелері жауапты мекемелердің өкілдерімен кездесіп, жазғы демалыс маусымын сапалы ұйымдастыру бойынша атқарылып жатқан жұмыстармен танысты. Анықталған ұсыныстар мен ескертулер бойынша тиісті тапсырмалар беріліп, олардың орындалуы партиялық бақылауда болатыны атап өтілді.

Балалардың қауіпсіз әрі мазмұнды демалысын қамтамасыз ету – басты назардағы мәселе. Партиялық бақылау комиссиясы бұл бағыттағы жұмыстарды тұрақты бақылауда ұстайтын болады.