ЖАЛПЫ БІЛІМ БЕРЕТІН МЕКТЕПТЕР ЖАНЫНДАҒЫ ЖАЗҒЫ ЛАГЕРЬЛЕР ӨЗ ЖҰМЫСЫН БАСТАДЫ
Бүгін "AMANAT" партиясы Байқоңыр филиалының Атқарушы хатшысы Мақсат Есбенбетов, партия филиалы жанындағы партиялық бақылау комиссиясының төрағасы Сейл Жұмадьяров және комиссия мүшелері Байқоңыр қаласы, Төретам кенті және Ақай ауылдық округіндегі мектептер жанындағы жазғы лагерьлерінің жай-күйімен танысты.
Партиялық мониторинг аясында лагерьлердің тұрмыстық және санитарлық-гигиеналық жағдайына, балалардың тамақтануы мен қауіпсіздік шараларына басты назар аударылды.
Мектеп басшыларымен тілдесу барысында балалардың бос уақытын тиімді ұйымдастыру, мәдени-спорттық шаралар мен тәрбие жұмыстары бойынша мәселелер тыңдалды.
Тынығу лагерьлерде әрбір кезеңге белгіленген жұмыстар жүргізілуде. Атап айтқанда, танымдық ойындар, спорт эстафеталары, зияткерлік ойындар, байқаулар, экскурсиялар.
Сонымен бірге, балалардың экскурсиясын ұйымдастыру барысы да бақыланды.
Сондай-ақ мектеп басшылары мен лагерь қызметкерлерінің ұсыныс-пікірлері тыңдалып, жазғы демалысты сапалы ұйымдастыру – жас ұрпақтың денсаулығын нығайтуға, шығармашылық және зияткерлік қабілеттерін дамытуға оң әсер ететіні атап өтілді.
