Жеңіске бастаған жол
Қармақшы аудандық жастар ресурстық орталығының ұйымдастыруымен «Қармақшылық» жобасы аясында ауданымыздың мақтанышы — ауыр атлетикадан жастар арасындағы әлем чемпионатының жүлдегері Сәулебеков Ерасыл және жаттықтырушысы Ералиев Айдармен кездесу өткізілді.
Кездесудің басты мақсаты – жастар арасында құқықбұзушылықтың алдын алу, салауатты өмір салтын насихаттау және ауданымызға белгілі, жетістікке жеткен азаматтар арқылы жастарға дұрыс бағыт-бағдар беру болды.
Әлем чемпионатының жүлдегері Сәулебеков Ерасыл өзінің жетістікке жету жолындағы тәжірибесімен бөлісіп, жастарды уақытты тиімді пайдалануға, білім мен спортты қатар алып жүруге шақырды. Ал жаттықтырушысы Ералиев Айдар жас буынға әрдайым мақсат қойып, соған жету үшін аянбай еңбек ету қажеттігін атап өтті.
Қармақшы жастары ауданымыздың абыройын асқақтатып жүрген азаматтарды әрдайым мақтан тұтады
