АУДАН ӘКІМІ ӘЛЕМ БІРІНШІЛІГІНІҢ ҚОЛА ЖҮЛДЕГЕРІ ЕРАСЫЛ СӘУЛЕБЕКОВТІ ҚАБЫЛДАДЫ
Бүгін аудан әкімі Жандос Еркінбек ауыр атлетикадан жасөспірімдер арасындағы әлем чемпионатының қола жүлдегері Сәулебеков Ерасыл Аянұлын қабылдап, алтынға бергісіз жеңісімен құттықтады.
– Ағымдағы жылдың 23 қыркүйек күні Испанияның Леон қаласында өткен жастар арасындағы әлем чемпионатында жерлесіміз Сәулебеков Ерасыл қола жүлдегер атанды. Бұл жеңіс – алтынға бергісіз ауданымыз үшін спорт саласындағы зор жетістік болды. Ерасыл бұған дейін де жастар мен жасөспірімдер арасында әлем чемпионатының екі дүркін жеңімпазы атанған. Осы орайда, мен өз атымнан және аудан халқының атынан Ерасыл Аянұлына және оның бапкері Айдар Қойшыбекұлына шынайы алғысымды білдіремін. Алдағы уақытта да Сіздерге зор денсаулық пен жаңа жетістіктер тілеймін, – деді аудан басышысы.
Сонымен қатар, аудан әкімі ел абыройын асқақтатып, көк туымызды биікке көтерген жас спортшы мен оның бапкеріне қаржылай сыйақылар табыстады.
Өз кезегінде әлем чемпионы Ерасыл Сәулебеков пен спортшының бапкері Айдар Қойшыбекұлы тілектес болған аудан халқына рақмет айтып, ризашылықтарын білдірді.
Одан кейін, Қазақстан Республикасының Құрметті спорт қайраткері Е.Атабаев жас спортшыға ізгі тілегін жеткізді.
Жерлестеріміздің спорттағы жетістіктері мен табыстары арта берсін!
