ЖАС КӨШБАСШЫЛАРЫМЫЗ РЕСПУБЛИКАЛЫҚ БАЙҚАУДЫҢ ЖҮЛДЕГЕРІ АТАНДЫ
«Үздік мектеп парламенті» байқауында жүлделі III орынды иеленді. Қазақстан Республикасы Оқу-ағарту министрлігінің Республикалық қосымша білім беру оқу-әдістемелік орталығы ұйымдастыруымен Ақтау қаласында өткен «Үздік мектеп парламенті» республикалық байқауы өз мәресіне жетті.
2026 жылғы 11-13 мамыр күндері өткен республикалық деңгейдегі білім мен көшбасшылық алаңына еліміздің барлық өңірлерінен 20 команда, 100-ден астам белсенді жас көшбасшы қатысты.
Байқауда Қызылорда облысының намысын Қармақшы ауданы бойынша О.Шораяқұлы атындағы №30 орта мектептің «ALAR» тобы қорғады. Команда мүшелері жоғары дайындық деңгейі мен көшбасшылық қабілеттерін танытып, үздіктер қатарынан көрінді. Нәтижесінде Сыр өңірінің командасы жүлделі III орынға ие болды.
Бұл жетістік – өскелең ұрпақтың азаматтық белсенділігі мен көшбасшылық әлеуетінің, сондай-ақ білім беру ұйымдарындағы «Мектеп парламенті» құрылымдарының жүйелі әрі нәтижелі жұмысының нақты көрінісі.
