«Психологиялық саулық – жарқын өмірдің бастауы»
Аудандық жастар ресурстық орталығының ұйымдастыруымен «Психологиялық саулық – жарқын өмірдің бастауы» тақырыбында семинар-тренинг өткізілді.
Іс-шараға Аудандық жастар денсаулық орталығының психолог маманы Кетебаева Әмина Тахирқызы және Отбасын қолдау орталығының психолог маманы Назгүл Сайлауова қатысып, қыздарға арналған өзекті тақырыптарды кеңінен талқылады.
Ерте жүктіліктің алдын алу;
Репродуктивті денсаулық;
Суицидтің алдын алу;
Семинар барысында қатысушылар мамандармен ашық сұхбат жүргізіп, мотивациялық тапсырмалар арқылы тәжірибелік дағдыларын арттырды. Сонымен қатар, пайдалы кеңестер алып, көкейлеріндегі сұрақтарға нақты жауаптар алды.
Мұндай кездесулер жастардың психологиялық саулығын нығайтуға және саналы өмір салтын қалыптастыруға бағытталған маңызды алаң болып табылады.
