Ағымдағы жылдың маусым айының 20-ші жұлдызында облыс әкімі жанындағы әйелдер істері және отбасылық-демографиялық саясат жөніндегі облыстық комиссия мүшелерінің кездесуі өткізілді.
Іс-шараға: «100 жаңа есім» жобасының жеңімпазы, полиглот, педагог, «Сенімен болашақ» қоғамдық бірлестігінің қызметкері және психолог мамандығының иегері Сымбат Абдрахманова, аудандық әйелдер кеңесінің төрайымы К.Раева, «Жастар денсаулық орталығының» психологі Ә.Т.Кетебаева, аудандық полиция бөлімінің ЖПҚб-нің әйелдерді зорлық-зомбылықтан қорғау тобының инспекторы полиция капитаны А.Касимова, «Қармақшы аудандық Жастар Ресурстық Орталығы» КММ директоры Н.Пірназаров, қоғамдық даму бөлімінің әдіскер-маманы А.Нұрмағанбетова және т.б. сала мамандары қатысты.
Мақсаты: аудан әкімі жанындағы әйелдер істері және отбасылық-демографиялық саясат жөніндегі комиссия құжаттарымен танысу, отбасы саясаты мәселелері бойынша қоғамдық қабылдау өткізу, аудандық комиссия мүшелерімен, отбасы саясатымен айналысатын үкіметтік емес ұйым өкілдерімен және қоғам белсенділерімен кездесуі. Сонымен қатар, психологиялық көмекті қажет ететін отбасыларды қабылдау, мүгедек балалары бар отбасыларға арналған психологиялық тренинг ұйымдастыру және жас отбасыларға арналған семинар-тренинг өткізу.