Отбасы мәселесі – басты назарда
Комиссия мүшелерінің аудандар бойынша бөлінісіне сәйкес комиссия мүшелері Ләззат Бақтыбаева, Наталья Мишукова және Әмина Кетебаева Қармақшы ауданында болды. Іссапар барысында отбасы мәселелері бойынша қоғамдық қабылдау, үкіметтік емес ұйымдар өкілдері, азаматтық қоғам белсенділері және аудандық комиссия мүшелерімен кездесу өткізілді. Нәтижесімен аудандық комиссияның құрамын өзгерістер енгізу және жұмыс бағыттарына қатысты ұсыныстар берілді.
Сонымен қатар, “Сенімен болашақ” қоғамдық бірлестігінің психолог мамандары шақырылып, ерекше балаларды тәрбиелеп отырған аналарға және жас отбасыларға арналған тренингтер ұйымдастырылды. Сонымен қатар, психологтардың жеке қабылдауы өткізілді.
Алдағы уақытта комиссия мүшелерінің жетекшілік жасайтын аймақтары бойынша іссапарлары жалғасын табатын болады.
Бұл шаралардың негізгі мақсаты-аудандық комиссиялардың жұмысына мониторинг жүргізу және әдістемелік қолдау көрсету.
