Өнерлі ұрпақ – жарқын болашақ

2026 жылдың 6 сәуір күні “Шабыт” бірлестігінің ұйымдастыруымен “Өнерлі ұрпақ – жарқын болашақ” атты апталықтың ашылу салтанаты өтті.Шара барысында өнерпаздар әсем ән шырқап, “Жадыра” би тобы көрерменге көтеріңкі көңіл-күй сыйлады.

“Сән - тігін”үйірмесінің білім алушылары ұлттық нақыштағы ерекше сән үлгілерін ұсынып, көпшіліктің ықыласына бөленді. Қобыздың қоңыр үнімен “Дайдидау” күйі орындалып, ұлттық өнердің рухы сезілді. Сонымен қатар, қызықты ойындар ұйымдастырылып, қатысушылар белсенділік танытты.

Шара соңында оқушылар үйінің директоры Құралай Қорғанбекқызы ізгі тілегін білдіріп, апталық аясында өтетін іс-шараларға сәттілік тіледі.

Өнерге қанат қаққан жас ұрпақ – ел болашағының жарқын кепілі!