ҰЛТТЫҚ СПОРТ - ҰЛТ РУХЫНЫҢ КӨРІНІСІ
20 наурыз – Ұлттық спорт күніне орай Руханият орталығының алаңында ұлттық құндылықтарымызды дәріптеуге бағытталған ауқымды спорттық шаралар ұйымдастырылды.
Аталған іс-шарада халқымыздың дәстүрлі спорт түрлері кеңінен насихатталып, қатысушылар арасында Тоғызқұмалақ, Асық ату, Бес асық сынды ұлттық ойындармен қатар, қол күрес, гір тасын көтеру, арқан тартыс бойынша жарыстар өткізілді.
Жарысқа қатысушылар өзара бақ сынасып, ептілік пен күш-жігерлерін көрсетіп, жоғары дайындық деңгейін танытты. Барлық спорттық сайыстар жоғары деңгейде ұйымдастырылып, көрермендерге ерекше әсер сыйлады.
Ұлттық спорт – ұлт рухының айнасы. Осындай игі шаралар арқылы өскелең ұрпаққа ата-бабамыздан мирас болып қалған ұлттық ойындарды насихаттау, салауатты өмір салтын қалыптастыру басты мақсат болып табылады.
