Заң мен тәртіп» қағидаты аясында қазақ күресінен аудандық ашық біріншілік өтті
Ауданымызда «Заң мен тәртіп» қағидаты аясында 2012–2014 жылдары туған кіші жасөспірімдер арасында қазақ күресінен аудандық ашық біріншілік және ересектер арасында аудандық біріншілік жоғары деңгейде ұйымдастырылып өтті.
Жарыстың негізгі мақсаты – салауатты өмір салтын насихаттау, ұлттық спорт түрін дамыту, жасөспірімдердің спортқа деген қызығушылығын арттыру, сондай-ақ тәртіп пен жауапкершілікті қалыптастыру.
Аталған жарысқа аудан спортшылары және Қызылорда қаласындағы спорт мектептерінен спортшылар қатысып, өзара тартысты белдесулер өткізді.
Жарыс қорытындысы бойынша жеңімпаздар мен жүлдегер спортшылар аудандық дене тәрбиесі, спорт және туризм бөлімінің арнайы дипломдары және медальдарымен марапатталды.
Осындай спорттық шаралар жас буынның рухын көтеріп, ұлттық құндылықтарымызды дәріптеуге зор үлес қосады.
