Ауыр атлетикадан аудандық біріншілік өтті

Заң мен тәртіп қағидаты аясында ауданымызда ауыр атлетикадан 2012 жылы туылған және одан кіші жасөспірімдер арасында аудандық біріншілік өтті.

Жарыстың негізгі мақсаты – аудан көлемінде ауыр атлетика спортын дамыту, жасөспірімдер арасында салауатты өмір салтын насихаттау, жас спортшылардың шеберлігін арттыру және бұқаралық спортты кеңінен қолдау.

Байрақты бәсекеде жас спортшылар өздерінің күш-жігерін, табандылығы мен спортқа деген қызығушылығын көрсете білді. Жарыс жоғары деңгейде ұйымдастырылып, қатысушылар үшін үлкен тәжірибе алаңына айналды.

Жеңімпаздар мен жүлдегерлер дипломдармен және медальдармен марапатталды.