Жастар арасында салауатты өмір салтын қалыптастыру
Аудандық спорт және туризм бөлімі, пробация қызметі, Жастар ресурстық орталығы және “Қызылорда облысының жастар одақтары” ҚБ ұйымдастыруымен пробация есебінде тұрған жастар арасында салауатты өмір салтын насихаттау мақсатында спорттық жарыстар ұйымдастырылды.
Іс-шара Қармақшы аудандық Тарихи-өлкетану музейіне экскурсиямен басталды. Жастар музейдегі тың мәліметтермен танысып, туған өлкенің тарихы мен мәдени құндылықтары туралы мағлұмат алды.
Кейін қатысушылар қол күрес, бес асық, арқан тарту, гір көтеру сынды ұлттық және бұқаралық спорт түрлерінен өзара бақ сынасты.
