18 наурыз – Ұлттық киім күні
Бүгін Төретам кенті тұрғындары ұлттық құндылықтарды дәріптеген ерекше мерекелік шараға куә болды. Кент орталығында өткен іс-шарада тұрғындар әсем ұлттық киімдерін киіп, ата-бабадан қалған салт-дәстүрімізді ұлықтады.
Шара барысында ұлттық киімдердің сән үлгілері таныстырылып, ән мен күйден шашу шашылды. Жастар мен үлкендер бірге қатысып, ұлттық рухты көтеретін көріністер ұйымдастырылды. Әсіресе, көздің жауын алатын камзолдар мен шапандар, ою-өрнекке бай көйлектер көпшілікке ерекше әсер сыйлады.
Ұлттық киім – бұл біздің тарихымыз, мәдениетіміз және рухани байлығымыздың айнасы. Осындай игі шаралар арқылы жас ұрпаққа ұлттық құндылықтарды насихаттау – бәріміздің ортақ міндетіміз.
Баршаңызды Ұлттық киім күнімен құттықтаймыз!
