Наурызым - нұрлы ырысым

Ұлыстың ұлы күні - Наурыз мерекесіне орай Қармақшы аудандық тарихи-өлкетану музейінде 2022 жылдың 18 наурызы күні "Наурызым - нұрлы ырысым" тақырыбында мерекелік шара өткізілді. Шара барысында ұлттық нақыштағы көрнекіліктер ұлттық тағамдар, ұлттық киім, ән-шашулар және ұлттық дәстүр - тұсау кесу рәсімінен көрініс көрсетілді.
Айтулы мерекенің негізгі ерекшеліктерінің бірі - атадан қалған үрдіс бойынша Наурыз көже тағамы дайындалып, қонақтарға ұсынылды. Дастархан басында үлкендер ұмыт болып бара жатқан салт-дәстүрлеріміз жайында келелі әңгімелер айтып, ықылас-ниет, бата білдірді.