16 НАУРЫЗ - МӘДЕНИЕТ ЖӘНЕ ҰЛТТЫҚ САЛТ- ДӘСТҮР КҮНІНЕ ОРАЙ ІС- ШАРА ӨТТІ
Қармақшы ауданының оқушылар үйінде 16 наурыз – Мәдениет және ұлттық салт-дәстүр күніне орай халқымыздың бай мұрасын насихаттауға арналған ерекше іс-шара ұйымдастырылды.
Мереке аясында халық қолөнершілерінің жәрмеңкесі өтіп, ұлттық нақыштағы қолөнер бұйымдары көпшілік назарына ұсынылды. Келушілер шеберлердің қолдан жасаған әшекейлері, тұрмыстық бұйымдары мен ұлттық нақыштағы туындыларын тамашалап, ерекше әсер алды.
Сонымен қатар, суретшілер туындыларынан көрме ұйымдастырылып, онда ұлттық мәдениет пен дәстүрді бейнелейтін көркем шығармалар ұсынылды. Көрме қонақтарға өнердің әсемдігін сезіндіріп, ұлттық құндылықтарға деген қызығушылықты арттырды.
Бұл шаралар ұлттық мәдениетімізді дәріптеп, ата-баба мұрасын кейінгі ұрпаққа насихаттаудың жарқын үлгісі болды.
