РЕФЕРЕНДУМ-2026: «ЕСІКТЕН ЕСІККЕ» АКЦИЯСЫ ЖАЛҒАСУДА

15 наурыз күні өтетін жалпыхалықтық референдум қарсаңында Қармақшы ауданында ақпараттық-түсіндіру жұмыстары қарқын алды. Осы мақсатта «Есіктен есікке» акциясы ұйымдастырылып, аумақтық коалиция мүшелерімен тұрғындарға референдумның мәні мен маңызы жан-жақты түсіндірілуде.

Бүгін аумақтық коалиция мүшелері Сәрсенкүл Есқалиева мен Мырзаш Бекбаев аудан тұрғындарымен кездесіп, арнайы дайындалған ақпараттық парақшаларды таратып, референдумның мазмұны, дауыс беру тәртібі және ұсынылып отырған өзгерістер туралы кеңінен мәлімет берді. «Есіктен есікке» акциясы күнделікті тұрақты түрде жалғасуда. Сонымен қатар, насихаттық топ адам көп шоғырланатын қоғамдық орындар мен қоғамдық көліктерде де түсіндіру жұмыстарын жүргізіп келеді.

Ұйымдастырушылардың айтуынша, басты мақсат – әрбір тұрғынға толық әрі қолжетімді ақпарат ұсынып, референдумға саналы түрде қатысуына жағдай жасау.