Ақай ауылында «Nur Otan» партиясының «Есіктен есікке акциясы аясында мәслихат депуттаттығына үміткерлер Ұзақбаев Ғалымжан және Шыңғысова Шаттық тұрғындармен кездесу өткізді. Халықпен байланыс жасау барысында «Nur Otan» партиясының сайлауалды бағдарламасы жан-жақты түсіндірілді. Әлеуметтік мәселер төңірегіндегі халықтың ұсыныс-тілектері тыңдалып, ашық талқыға салынды. Тұрғындар тарапынан басты мәселелер көтерілді. Ауыл тұрғындарын сапалы ауыз су және көгілдір отынмен қамту жайы қаузалды.«Nur Otan – халықтың партиясы. Сондықтан әрбір тұрғынның ұсыныс-тілегі мен талабы біз үшін маңызды. Партия өзінің алдағы 5 жылға жоспарлаған бағдарламасында барлық саланы толық қамтып отыр. Оның ішінде ауылды дамытуға арналған тың жоспарлар да бар. Сіздердің сенімдеріңіз бізге серпін беріп, жоспарлардың жүйелі орындалуына негіз болары сөзсіз» – деді үміткер Ғ.Ұзақбаев.Тұрғындардың ұсыныс-пікірлері мен түйінді сауалдарын түртіп алған кандидаттар тұшымды жауап беріп, алдағы уақытта партия бұл мәселелерді қараусыз қалдырмайтынын жеткізді. Еркін кездесуден соң үміткерлер алдағы болатын сайлауда «Nur Otan» партиясын қолдап, дауыс беруге шақырды.