КАНДИДАТТАР АҚАЙ АУЫЛЫНЫҢ ТҰРҒЫНДАРЫМЕН ЖҮЗДЕСТІ
Бүгін «Nur Otan» партиясынан Қармақшы аудандық мәслихат депутаттығына үміткерлер Сейл Жумадьяров, Еркін Рзалиев және Ғабит Бердекеев үгіт-насихат жұмыстары аясында Ақай ауылдық клубының үйінде тұрғындармен кездесті.Үміткерлер тұрғындарымен жүзбе-жүз кездесіп, тұрғындарды толғандыратын көптеген сұрақтарына жауап берді. Кездесу барысында аудандағы атқарылар игі істерді де тұрғындарға жеткізді.
Сонымен бірге, үміткерлер ауыл тұрғындарының ұсыныстарын тыңдап, «Nur Otan» партиясының сайлауалды бағдарламасының 7 бағытында көрсетілген нақты міндеттерді атап өтті.
«Nur Otan» партиясы нақты істердің көшбасшысы екендігін жеткізген кандидаттар әрбір сайлаушының дауысы маңызды, сайлаушылардың таңдауы - бүкіл елдің болашағын таңдау екендігін ескеріп өтті.
Аталмыш үгіт-насихат кездесуінде ауыл тұрғындары сайлауалды бағдарламаның 7 бағытында қарастырылған міндеттердің басымдылықтарымен танысып, сенім білдіріп, жетекші партияны қолдайтындарын жеткізді.
«Nur Otan» партиясының Қызылорда облысы Қармақшы аудандық сайлау қорының қаражатынан төленді.
