«Nur Otan» партиясы атынан облыстық мәслихат депутаттығына үміткер Нұрлан Бисембаев және аудандық мәслихат депутаттығына үміткер Дастан Буханов, Нұржан Раймов «Есіктен есікке» акциясы аясында Иіркөл ауылының сайлаушыларымен кездесті.
Кездесуде сайлаушы, ауылдық ардагерлер кеңесінің төрағасы Қалдыбек Есмахановтың үйіне барды. Үміткер алда сайлау өтетінін, оған «Nur Otan» партиясы өз сайлауалды бағдарламасын ұсынып қатысып жатқанын айтты. Бағдарламадағы басым бағыттарды сөз етті.
– «Nur Otan» партиясы өзінің сайлауалды бағдарламасында ауданды дамытудың 7 басым бағытын айқындады. Партия тұрақты экономикалық даму және халықтың өмір сүру деңгейін арттыру мақсатын көздейді. Бұл бағытта қайта өңдеу және сауда цехтарын дамытып, сапалы азық-түлікпен қамтамасыз ету көзделген, – деді үміткер Дастан Буханов.
Үміткер сайлаушыларға үгіт парақшаларын таратып, «Nur Otan» партиясына дауыс беруге шақырды.
«Nur Otan» партиясының Қызылорда облысы
Қармақшы аудандық сайлау қорының қаражатынан төленді.
