ӘРБІР БАЛА - БІР ЖҰЛДЫЗ
«Әрбір бала – бір жұлдыз» тақырыбында түзете-дамыту бағытындағы арттерапияны қолдану тәжірибесіне арналған облыстық семинар өтті.
Семинардың мақсаты – ерекше білім беру қажеттіліктері бар балалармен жүргізілетін түзете-дамыту жұмыстарында арттерапия әдістерін тиімді қолдану тәжірибесімен бөлісу, аудан психологтарының кәсіби шеберлігін арттыру.
Семинар барысында аудан психологтары өз тәжірибелерімен бөлісіп, арттерапия әдістерінің баланың эмоциялық жағдайын тұрақтандыруға, шығармашылық қабілетін дамытуға және өзін еркін көрсетуіне ықпал ететін тиімді тәсілдерін көрсетті.
Іс-шараға Қызылорда облыстық психологиялық қолдау орталығының Психологиялық жұмыс бөлімінің басшысы Раушан Серікқызы және орталық маманы Сандуғаш Бағдатқызы қатысып, семинар жұмысына оң бағаларын беріп, өз ұсыныстарымен бөлісті.
Семинар өзара тәжірибе алмасуға, кәсіби байланыстарды нығайтуға және психолог мамандардың жұмысын жетілдіруге үлкен мүмкіндік болды.
