"Невада - Семей" қозғалысына – 37 жыл
Бүгін қаламызда «Невада–Семей» халықаралық антиядролық қозғалысының құрылғанына 37 жыл толуына орай еске алу митингісі өтті.
1989 жылы 28 ақпанда ақын Олжас Сүлейменовтің бастамасымен құрылған қозғалыс Семей ядролық сынақ полигонының жабылуына және Қазақстанның бейбітшілік саясатын қалыптастыруға зор үлес қосты.
Шара барысында ядролық сынақтардың адамзатқа тигізген зардаптары айтылып, ел тағдыры жолында күрескен азаматтардың еңбегі атап өтілді. Қызылорда қалалық ардагерлер кеңесінің төрағасы Ө. Шаменов, «Қызылорда-Невада-Семей» қоғамдық бірлестігінің төрағасы С. Ыдырысұлы сөз сөйлеп, Семей полигоны салдарынан қаза тапқан боздақтардың рухына гүл шоқтары қойылып, Құран бағышталды.
Бейбіт өмір мен жарқын болашақ жолындағы күрес ұрпақ жадында мәңгі сақталмақ.
Тәуелсіздігіміз тұғырлы, еліміз аман болсын!
