Қармақшыда «Невада-Семей» антиядролық қозғалысының құрылған күні аталып өтті
qarmaqshy-tany.kz Бүгін ауданда «Невада-Семей» антиядролық қозғалысының құрылғанына 34 жыл толуына орай батырларға тағзым ету іс-шарасы өтті.
Тағылымға толы іс-шарада Семей полигоны құрбандарына арналған ескерткішке гүл шоқтары қойылып, тағзым етіліп, олардың рухтарына құран бағышталды.
Іс-шарада аудан әкімінің орынбасары Жұлдызхан Байназарұлы сөз сөйлеп, ардагерлерге жасаған ерліктері үшін алғысын айта келе жергілікті атқарушы органдар тарапынан тұрақты түрде қолдау шаралары көрсетілетінін жеткізді.
Сондай-ақ, аудандық ардагерлер кеңесінің төрағасы Асқар Ермағамбетұлы Семей ядролық полигонының елімізге әкелген қасіреті туралы сөз қозғап, осы полигонның зардабын жою жолында қызмет еткен ардагерлерге ризашылығын білдірді.
Одан соң, Қармақшы аудандық «Невада-Семей» қоғамдық бірлестігінің төрағасы Болат Сағымбаев өз алғысын жеткізіп, іс-шараны қорытындылады.
