Халықаралық ядролық сынақтарға қарсы іс-қимыл күніне орай, арнайы орнатылған ескерткіш алаңында іс-шара өтті.
Ядролық қару сияқты алапат күштің зардабын көріп дүниеден өткен арда азаматтардың рухына құран бағышталып, ескерткішке гүл шоқтары қойылды.
Жиында аудан әкімінің міндетін уақытша атқарушы Жұлдызхан Байназарұлы сөз сөйлеп, бұл күннің ел тарихындағы және адамзат тарихындағы маңызына тоқталды.
Сондай-ақ, жиында сөз алған "Невада-Семей" қоғамдық бірлестігінің төрағасы Б.Сағымбаев және аудандық қоғамдық кеңестің төрағасы Ә.Құлдүйсеновтер қатысушыларды құттықтап, лебізін білдірді.
Шара соңында сол апатты жерде әскери қызметте болған, сол бір ауыр күндердің куәгерлеріне аудан әкімінің «Алғыс» хаттары табысталды.