Қармақшы ауданында «Невада-Семей» антиядролық қозғалысының құрылғанына 32 жыл толуына орай еске алу шарасы өтті

Аудандық жастар саябағында орналасқан «Невада-Семей» ядролық сынағының зардабын жоюға қатысқан ардагерлерге арналған ескерткішге гүл шоқтары қойылып, құран бағышталды.

Шарада аудан әкімінің орынбасары Ж.Ерқосаев сөз сөйлеп, ардагерлерге ізгі лебізін білдіріп, жасаған ерліктері үшін алғысын айтты.

Сондай-ақ, «Невада-Семей» бірлестігінің бір қатар мүшелеріне, ауданымыздың қоғамдық саяси өміріне қосып жүрген үлестері үшін алғыс хаттар табысталып, құрмет көрсетілді.

Шара соңында «Невада-Семей» қоғамдық бірлестігінің төрағасы Б.Сағымбаев ардагерлерді айтулы күнімен құттықтап, өз алғысын білдіріп, шараны қорытындылады.